امریکی ریاست فلوریڈا کے شہر لاؤڈر ہل میں کھیلے گئے تیسرے اور فیصلہ کن ٹی ٹوئنٹی میچ میں پاکستان نے ویسٹ انڈیز کو 13 رنز سے شکست دے کر سیریز 1-2 سے جیت لی۔
پاکستان نے پہلے بیٹنگ کرتے ہوئے 20 اوورز میں 4 وکٹوں کے نقصان پر 189 رنز بنائے۔ صائم ایوب نے 66 اور صاحبزادہ فرحان نے 74 رنز کی شاندار اننگز کھیل کر ٹیم کو مضبوط بنیاد فراہم کی۔ حسن نواز 15 اور محمد حارث 2 رنز بنا کر آؤٹ ہوئے جبکہ خوشدل شاہ 11 اور فہیم اشرف 10 رنز کے ساتھ ناٹ آؤٹ رہے۔
جواب میں ویسٹ انڈیز کی ٹیم 6 وکٹوں کے نقصان پر 176 رنز ہی بنا سکی۔ یوں پاکستان نے میچ 13 رنز سے اپنے نام کیا۔ قومی ٹیم کی جانب سے حسن علی، حارث رؤف، صائم ایوب، سفیان مقیم اور محمد نواز نے ایک ایک وکٹ حاصل کی۔
میچ کے لیے پاکستان کی ٹیم میں دو تبدیلیاں کی گئیں: شاہین شاہ آفریدی کی جگہ حارث رؤف اور فخر زمان کی جگہ خوشدل شاہ کو شامل کیا گیا۔ کپتان سلمان علی آغا نے ٹاس جیت کر پہلے بیٹنگ کا فیصلہ کیا۔
دیکھیں
