وادی نیلم کے بالائی علاقے جمگر میں شدید بارش اور لینڈ سلائیڈنگ کے باعث پھنس جانے والے 10 سیاحوں کو رات گئے ریسکیو آپریشن کے ذریعے بحفاظت نکال لیا گیا۔
ریسکیو کارروائی میں پولیس تھانہ نیلم، چوکی پولیس جانوئی اور ضلعی انتظامیہ نے فوری اور مؤثر کردار ادا کیا۔ ایک جانب پولیس اور انتظامیہ نے سیاح خاندان کو محفوظ مقام پر منتقل کیا، جبکہ دوسری جانب چوکی جانوئی کی ٹیم نے دیگر سیاحوں کو ریسکیو کر کے قریبی گھروں میں پناہ فراہم کی۔
ریسکیو کے بعد سیاحوں نے پاک فوج، نیلم پولیس اور مقامی افراد کا شکریہ ادا کرتے ہوئے ان کی بروقت مدد کو سراہا۔
ضلعی انتظامیہ نے سیاحوں کو بارشوں اور لینڈ سلائیڈنگ کے دوران سفر میں محتاط رہنے کی ہدایت کی ہے تاکہ کسی بھی ممکنہ خطرے سے بچا جا سکے۔
دیکھیں
