فیلڈ مارشل سید عاصم منیر کا پنجاب کے سیلاب متاثرہ علاقوں کا دورہ، مذہبی مقامات کی بحالی کی یقین دہانی

فیلڈ مارشل سید عاصم منیر نے پنجاب کے سیلاب سے متاثرہ اضلاع سیالکوٹ سیکٹر، شکرگڑھ، نارووال اور کرتارپور کا دورہ کیا اور صورتحال کا تفصیلی جائزہ لیا۔ آئی ایس پی آر کے مطابق انہیں موجودہ حالات اور آئندہ بارشوں کے حوالے سے تیاریوں پر بریفنگ دی گئی۔

دورے کے دوران فیلڈ مارشل نے متاثرہ سکھ برداری سے ملاقات کی اور کہا کہ اقلیتوں اور ان کے مذہبی مقامات کا تحفظ ریاست کی بنیادی ذمہ داری ہے، پاکستان اس فریضے کی ادائیگی میں کوئی کسر نہیں چھوڑے گا۔

انہوں نے یقین دلایا کہ سیلاب سے متاثرہ تمام مذہبی مقامات کو اصل حالت میں بحال کیا جائے گا، جبکہ دربار صاحب کرتارپور کو ترجیحی بنیادوں پر بحال کیا جائے گا۔

آئی ایس پی آر کے مطابق فیلڈ مارشل نے سول انتظامیہ کے بروقت اور فعال اقدامات کو بھی سراہا۔