فلسطینی اتھارٹی کا الزام: اسرائیل مسجد اقصیٰ کے نیچے غیر قانونی کھدائی کر رہا ہے

فلسطینی اتھارٹی نے الزام عائد کیا ہے کہ اسرائیل مسجد اقصیٰ کے صحن کے نیچے غیر قانونی کھدائی کر رہا ہے جس سے اسلامی آثارِ قدیمہ کو شدید نقصان پہنچ رہا ہے۔

بیان میں کہا گیا کہ یہ آثار قدیمہ مسلمانوں کے مسجد اقصیٰ پر تاریخی اور جائز حق کے ناقابلِ تردید ثبوت ہیں، جنہیں اسرائیل جان بوجھ کر تباہ کرنے کی کوشش کر رہا ہے۔

سوشل میڈیا پر وائرل ہونے والی ایک ویڈیو میں دیکھا گیا ہے کہ کھدائی کے بعد افراد مسجد اقصیٰ کے احاطے میں بڑے پتھروں کو توڑ رہے ہیں۔

فلسطینی اتھارٹی نے اسرائیلی اقدامات کو بین الاقوامی قوانین اور معاہدوں کی کھلی خلاف ورزی قرار دیا اور کہا کہ اسرائیل کا مقصد اسلامی شناخت کو مٹانا اور مستقبل میں مسجد اقصیٰ کی جگہ یہودی عبادت گاہ تعمیر کرنا ہے۔