آزاد کشمیر کے وزیرِ اطلاعات پیر مظہر سعید شاہ کا عہدے سے استعفیٰ

news-banner

پاکستان - 14 اکتوبر 2025

آزاد کشمیر کے وزیرِ اطلاعات پیر مظہر سعید شاہ نے ناگزیر وجوہات کی بنا پر اپنے عہدے سے استعفیٰ دے دیا ہے۔

 

پیر مظہر سعید شاہ علما و مشائخ کی نشست پر آزاد کشمیر اسمبلی کے رکن منتخب ہوئے تھے اور ان کا تعلق جمعیت علما اسلام (جے یو آئی) سے ہے۔

 

پریس کانفرنس کے دوران انہوں نے کہا کہ وزارت کے دوران میڈیا برادری نے بھرپور تعاون کیا، اور انہوں نے ہمیشہ کوشش کی کہ عوامی مفاد اور قومی معاملات کو ترجیح دی جائے۔

 

سابق وزیر کا کہنا تھا کہ اپنے دورِ وزارت میں انہوں نے محکمہ اطلاعات کو مزید فعال بنانے اور مسئلہ کشمیر کو عالمی سطح پر اجاگر کرنے کے لیے مسلسل کوششیں کیں۔