ملک میں سونا تاریخ کی بلند ترین سطح پر، فی تولہ قیمت ساڑھے پانچ ہزار روپے بڑھ گئی

news-banner

کاروبار - 14 اکتوبر 2025

ملک بھر میں سونے کی قیمتوں میں زبردست اضافہ دیکھنے میں آیا ہے، جہاں فی تولہ سونا ساڑھے پانچ ہزار روپے مہنگا ہو کر تاریخ کی بلند ترین سطح پر پہنچ گیا۔

 

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 5 ہزار 500 روپے کے اضافے کے بعد نئی قیمت 4 لاکھ 28 ہزار 200 روپے مقرر کی گئی ہے۔

 

اسی طرح 10 گرام سونے کا بھاؤ 4 ہزار 715 روپے اضافے کے ساتھ 3 لاکھ 67 ہزار 112 روپے تک جا پہنچا۔

 

رپورٹ کے مطابق بین الاقوامی مارکیٹ میں بھی سونا مہنگا ہوگیا، جہاں فی اونس قیمت 55 ڈالر کے نمایاں اضافے سے بڑھ کر 4 ہزار 071 ڈالر کی نئی بلند ترین سطح پر پہنچ گئی۔