بنگلا دیش: خالدہ ضیا کے بیٹے طارق رحمان 17 سال بعد وطن واپس پہنچ گئے

بنگلا دیش کی سابق وزیر اعظم خالدہ ضیا کے صاحبزادے اور بنگلہ دیش نیشنلسٹ پارٹی (بی این پی) کے قائم مقام چیئرمین طارق رحمان 17 برس جلاوطنی کے بعد وطن واپس پہنچ گئے ہیں۔

غیر ملکی خبر رساں ادارے کے مطابق 60 سالہ طارق رحمان آج لندن سے ڈھاکا پہنچیں گے۔ وہ 2008 میں سیاسی انتقام کے الزامات کے بعد برطانیہ چلے گئے تھے اور تب سے وہیں مقیم تھے۔

طارق رحمان کو اپنی والدہ خالدہ ضیا کا سیاسی جانشین سمجھا جاتا ہے، جو 80 سال کی عمر میں شدید علالت کے باعث طویل عرصے سے اسپتال میں زیرِ علاج ہیں۔

 خالدہ ضیا نے نومبر میں اعلان کیا تھا کہ وہ 12 فروری 2026 کے عام انتخابات میں انتخابی مہم چلائیں گی، تاہم ان کی طبیعت بگڑنے کے بعد وہ آئی سی یو میں منتقل ہو گئیں۔

یہ انتخابات گزشتہ سال ہونے والی عوامی بغاوت کے بعد منعقد ہو رہے ہیں، جس کے نتیجے میں سابق وزیر اعظم شیخ حسینہ کی 15 سالہ حکومت کا خاتمہ ہوا تھا۔